Aínda que o papel e o cartón son considerados en moitas ocasións como os materiais pobres da escultura, a súa versatilidade, accesibilidade e sostibilidade permítenos elaborar pezas lixeiras e duradeiras.

Nas miñas creacións mestúranse técnicas e materiais como o papel, o tecido, o vimbio, a madeira ou o aramio para crear pezas de pequeno e grande formato nas que conviven a tradición e o deseño. Trátase de obras totalmente personalizables, de grande expresividade e colorido.