Facer e ensinar Artesanía

Pedras naceu como un proxecto creativo ao tempo que como unha aposta polo patrimonio cultural. A artesanía forma parte do noso patrimonio intanxible; é algo vivo que se transmite de xeración en xeración e muda para acomodarse aos tempos.

Creo que Artesanía non son só as pezas que saen das nosas mans. Tamén o son os saberes que ao longo do tempo se foron construíndo. Por iso compartimos os nosos coñecementos con todas aquelas que queiran aprender a traballar cun material tan xeitoso como o papel.

cursos

Escultura en papel

Aprende unha técnica accesible, sostible e tradicional coa que poderás crear coas túas mans todo o que poidas imaxinar sen necesidade de materiais difíciles de atopar ou pouco económicos.

Máscaras e cabezudos

Un león, un peliqueiro, un xigante, un cabezudo… Pensa quen queres ser e fai a túa máscara.

Obradoiro de elaboración de máscaras ou cabezudos en cartón pedra, cartón corrugado ou papel trenzado.

Monicreques

Calquera cousa pode converterse nun divertido monicreque. Proba connosco!

Obradoiro de elaboración de monicreques con cartón pedra, gomaespuma. material de refugallo ou obxectos cotiáns segundo os intereses das participantes

Papel artesán

Descobre como facer papel coas túas mans!

Obradoiro de elaboración de papel reciclado ou con fibras vexetais.

Cestos de papel

Din que quen fai un cesto, fai centos. Queres probar?

Aprende a facer un cesto usando as técnicas da cestería tradicional pero cun material tan accesible como o papel o que che permitirá practicar na casa e, se cadra, facer un cento!