Artesanía

Traballo o cartón pedra, un material accesible, sostible, moi versátil, lixeiro e duradeiro. Con esta técnica elaboro pezas decorativas de pequeno e gran formato nas que conviven a tradición e o deseño. Trátase de obras totalmente personalizables, de gran expresividade e colorido, cargadas de humor que beben, e moitas ocasións, da reinterpretación do noso patrimonio cultural, da música popular, dos contos tradicionais ou mesmo de situacións cotiáns.

eu quero

Onde mercar

Podes mercar as miñas pezas e facer encargos poñéndote en contacto comigo, en Etsy ou na tenda Eladiz de Santiago de Compostela ou consultar as feiras na sección novas.

a técnica

O cartón pedra

Desde o invento do papel atopamos obxectos creados con este material e engrudo para endurecelo: desde xoguetes e bonecos ata mobles e decorados.

Existen diferentes técnicas para modelar o cartón. Polo xeral a que máis utilizo é a coñecida como cartón pedra ou cartapesta: a superposición de anacos de papel sobre estrutura de aramio, vimbio, cartón ou sobre un molde, que despois se recubre con estuco. En ocasións tamén emprego o papel maché ou papel machucado reciclando os restos do cartón ata conseguir unha pasta de papel que modelo coma se fose barro.

Os procesos de traballo son moi longos e hoxe en día existen moitos outros materiais que poderían substituír o cartón pedra, mais eu aposto por esta técnica tradicional e facendo unha lectura máis contemporánea mesturando o papel on outros materiais para crear diferentes texturas ou aplicando esta técnica a outros ámbitos que no son os habituais para este material.

Un dos motivos que me levan a seguir traballando co cartón pedra é a súa sostenibilidade. O cartón pedra é un material ecolóxico ou de moi baixa toxicidade polo que podemos dicir que a súa elaboración é un proceso limpo tanto na produción como nos residuos que xera.

Non menos importante para min é o feito de que ao ser procesos accesibles, que precisan de pouca infraestrutura inicial, son de fácil transmisión. Entendo a artesanía non só como os produtos que elaboramos, se non como uns coñecementos que se foron conformando ao longo do tempo. Eses saberes forman parte do noso patrimonio inmaterial e é importante a súa conservación e difusión. Por iso adico gran parte do meu tempo a formación.