A casa das letras

Que farán as letras mentres alguén as convida a participar nos contos? Achégate á súa casa e descobre como viven.

Trátase dunha proposta que combina a narración oral coa manipulación directa de bonecos das letras que realizan accións cotiás na súa casa e un obradoiro no que as rapazas e rapaces realizan o seu propio monicreque e teatriño.

Obxectivos

Esta actividade céntrase no desenvolvemento de competencias de lectoescritura fomentando a identificación das letras e palabras sinxelas entre os máis novos, e no recoñecemento da súa contorna máis próxima mediante o xogo, o exercicio da imaxinación e a manipulación de obxectos.