Como todas as galiñas do mundo, Rosiña pon ovos, pero non son uns ovos normais. Os ovos de Rosiña son ovos de conto. Queres coñecela?
Actividade creativa que axunta narración e obradoiro, literatura e plástica, na que as rapazas, despois de escoitar a narración da vida da galiña, elaborarán bonecos dos personaxes dun conto que inventarán coa axuda da pita.
Esta proposta céntrase no fomento da lectura e busca estimular a creatividade das crianzas a través dunha historia que imos improvisando entre todas ao longo da actividade e que lles permitirá coñecer unha fórmula máxica para inventar contos tamén na casa.
Xa sabes que a nosa galiña é un tanto especial e por iso pon ovos de conto. Descobre como facelos ti na túa casa!
Se queres ver outras actividades de artesanía creativa con papel para facer na túa casa, visita a nosa canle de Youtube
